Søk som Crew på IPX

Crew-søknaden for IPX 2026 er no open!

Har du lyst til å vere med og skape den beste LAN-opplevinga på Vestlandet? No kan du søkje om å bli ein del av crewet på IPX 2026!

Som crew får du vere med på å planleggje, byggje opp og gjennomføre arrangementet saman med eit engasjert team. Enten du interesserer deg for teknikk, nettverk, scene, aktivitetar, logistikk eller deltakarservice, er det mange moglegheiter til å bidra.

Kven kan søkje?

For å vere crew på IPX må du ha fylt 16 år innan arrangementet. Dersom du ønskjer å søkje som Security, må du ha fylt 18 år, då denne rolla inneber eit særskilt ansvar.

Vi ser etter engasjerte, ansvarsfulle og positive personar som ønskjer å vere med på å gjere IPX 2026 til ei fantastisk oppleving for alle deltakarane.

Vil du vere med?
Send inn søknaden din i dag! Vi behandlar søknader fortløpande, så det løner seg å søkje tidleg.

Vi gler oss til å høyre frå deg!

Søk her